للضيق وقت وللحزن دايم اسباب

للضيق وقت وللحزن دايـم اسبـاب
وللصدق دافع والوفا صـار معـدوم

ماعاش عمره بهالزمن غير كـذّاب
والصادق الوافـي محقّـر ومظلـوم

اسرق وانهب ينحسب لك كذا حساب
وعيش بتواضع تعتبر شخص محروم

نافق وجامل ولا تَكَدر مـن عتـاب
واكل حلال الغير محـدن لـك يلـوم

هذا زمـان بـدل احبـاب باغـراب
هذا زمـان بـدل الضحـك بهمـوم

ماعاد نوثق في احد حتـى الاقـراب
والعيب هو العيب مايستـره هـدوم

لاصار لسان الشخص يلسع تقل داب
ومن الكلام الشين يقتلـك مسمـوم

ناسٍ تبسـم لـك وبالظهـر انيـاب
وناسٍ تجمل بك وبالظهـر مشتـوم

بهذا الزمان المرجله شيٍ انعاب
واللي تشبه بالنسـا يطلـب اليـوم

خطف ونهب واليوم جانا هالارهـاب
غطت سمانـا امـورٍ كنهـا غيـوم

حتى النسا صارت تحرر من حجـاب
وعند القياده صارت المـرأه تحـوم

ورسم الرسول وجانا من كل الاقطاب
كفـار لا ملـه ولا ديـن ..معلـوم

امور صارت في زمن تعجب عجـاب
يالله عساك تزيـن الحـال هاليـوم

م ن ق و ل

السلام عليكم ورحمة الله و بركاته
كلمات يشهد لها الشهد
ولكن للأسف هذا هو وضعنا الحالي

كل الشكر لك على هذه الكلمات

ماعاد نوثق في احد حتـى الاقـراب
والعيب هو العيب مايستـره هـدوم

::

رآأآأآئـ ع ــة الاختيار غاليتي

شاكره لكِ هذاا الطرح

تحياتي لكِ
n.m.j